1Ch 6 | NdeBEN | STEP | Amadodana kaLevi yila: nguGeshoni, loKhohathi, kanye loMerari.

1 Chronicles 6

ULevi

1 Amadodana kaLevi yila:
nguGeshoni, loKhohathi, kanye loMerari.
2 Amadodana kaKhohathi yila:
ngu-Amramu, lo-Izihari, loHebhroni kanye lo-Uziyeli.
3 Abantwana baka-Amramu yilaba:
ngu-Aroni, loMosi kanye loMiriyemu.
Amadodana ka-Aroni yila:
nguNadabi, lo-Abhihu lo-Eliyazari lo-Ithamari.
4 U-Eliyazari wayenguyise kaFinehasi,
uFinehasi enguyise ka-Abhishuwa,
5 u-Abhishuwa enguyise kaBhukhi,
uBhukhi enguyise ka-Uzi,
6 u-Uzi enguyise kaZerahiya,
uZerahiya enguyise kaMerayothi,
7 uMerayothi enguyise ka-Amariya,
u-Amariya enguyise ka-Ahithubi,
8 u-Ahithubi enguyise kaZadokhi,
uZadokhi enguyise ka-Ahimazi,
9 u-Ahimazi enguyise ka-Azariya,
u-Azariya enguyise kaJohanani,
10 uJohanani enguyise ka-Azariya;
nguye lo owayengumphristi ethempelini elakhiwa nguSolomoni eJerusalema.
11 U-Azariya enguyise ka-Amariya,
u-Amariya enguyise ka-Ahithubi,
12 u-Ahithubi enguyise kaZadokhi,
uZadokhi enguyise kaShalumi,
13 uShalumi enguyise kaHilikhiya,
uHilikhiya enguyise ka-Azariya,
14 u-Azariya enguyise kaSeraya,
uSeraya enguyise kaJozadaki.
15 UJozadaki wathunjwa lapho uThixo athumba abakoJuda labaseJerusalema ngesandla sikaNebhukhadineza.

16 Amadodana kaLevi yila:
nguGeshoni, loKhohathi kanye loMerari.
17 Nanka amabizo amadodana kaGeshoni:
nguLibhini loShimeyi.
18 Amadodana kaKhohathi yila:
ngu-Amramu, lo-Izihari, loHebhroni kanye lo-Uziyeli.
19 Amadodana kaMerari yila:
nguMahili loMushi.

Laba babelusendo lwabaLevi behlelwe ngoluhlu lwaboyise:
20 AbakaGeshoni yilaba:
nguLibhini indodana yakhe, loJahathi indodana yakhe,
loZima indodana yakhe, 21 loJowa indodana yakhe,
lo-Ido indodana yakhe, loZera indodana yakhe kanye
loJeyatherayi indodana yakhe.
22 Abosendo lukaKhohathi yilaba:
ngu-Aminadabi indodana yakhe, loKhora indodana yakhe,
lo-Asiri indodana yakhe, 23 lo-Elikhana
lo-Ebhiyasafi indodana yakhe lo-Asiri indodana yakhe,
24 loThahathi indodana yakhe, lo-Uriyeli indodana yakhe,
lo-Uziya indodana yakhe kanye loShawuli indodana yakhe.
25 Abosendo luka-Elikhana yilaba:
ngu-Amasayi, lo-Ahimothi,
26 lo-Elikhana indodana yakhe, loZofayi indodana yakhe,
loNahathi indodana yakhe, 27 lo-Eliyabi indodana yakhe,
loJerohamu indodana yakhe, lo-Elikhana indodana yakhe kanye
loSamuyeli indodana yakhe.
28 Amadodana kaSamuyeli ayeyila:
uVashini izibulo
lo-Abhija indodana yesibili.
29 Abosendo lukaMerari yilaba:
nguMahili, loLibhini indodana yakhe,
loShimeyi indodana yakhe, lo-Uza indodana yakhe,
30 loShimeya indodana yakhe, loHagiya indodana yakhe kanye
lo-Asaya indodana yakhe.

Abahlabeleli BaseThempelini

31 Laba yibo abakhethwa nguDavida ukuphatha ukuhlabelela endlini kaThixo ngemva kokubekwa kwebhokisi lesivumelwano khona. 32 Bakhonza ngokuhlabelela phambi kwebhokisi lesivumelwano, iThente lokuHlanganela, uSolomoni waze wakha ithempeli likaThixo eJerusalema. Benza inkonzo yabo ngendlela okwakuqoqwe ngayo.

33 Bona ababekhethelwe lowomsebenzi kanye lamadodana abo yilaba:

Kwabendlu kaKhohathi yilaba:
nguHemani umhlabeleli,
indodana kaJoweli, indodana kaSamuyeli
34 indodana ka-Elikhana, indodana kaJerohamu,
indodana ka-Eliyeli, indodana kaThowa,
35 indodana kaZufi, indodana ka-Elikhana,
indodana kaMahathi, indodana ka-Amasayi,
36 indodana ka-Elikhana, indodana kaJoweli,
indodana ka-Azariya, indodana kaZefaniya
37 indodana kaThahathi, indodana ka-Asiri,
indodana ka-Ebhiyasafi, indodana kaKhora,
38 indodana ka-Izihari, indodana kaKhohathi,
indodana kaLevi, indodana ka-Israyeli.
39 U-Asafi umkhula kaHemani owasebenza laye ngasesandleni sakhe sokudla:
U-Asafi indodana kaBherekhiya, indodana kaShimeya,
40 indodana kaMikhayeli, indodana kaBhaseya,
indodana kaMalikhija, 41 indodana ka-Ethini,
indodana kaZera, indodana ka-Adaya,
42 indodana ka-Ethani, indodana kaZima,
indodana kaShimeyi, 43 indodana kaJahathi,
indodana kaGeshoni, indodana kaLevi;
44 kanti njalo kubakhula babo amaMerari kwesenxele isandla sakhe yilaba:
ngu-Ethani indodana kaKhishi, indodana ka-Abhidi,
indodana kaMaluki, 45 indodana kaHashabhiya,
indodana ka-Amaziya, indodana kaHilikhiya,
46 indodana ka-Amizi, indodana kaBhani,
indodana kaShemeri, 47 indodana kaMahili,
indodana kaMushi, indodana kaMerari,
indodana kaLevi.

48 Abafowabo kubaLevi babephiwe yonke eminye imisebenzi ethabanikeleni, endlini kaNkulunkulu. 49 Kodwa u-Aroni labosendo lwakhe yibo ababesethula iminikelo yokutshiswa e-alithareni kanye lase-alithareni lempepha lakho konke okwakusenziwa eNdaweni eNgcwele kakhulu, becelela u-Israyeli umusa, njengalokhu uMosi inceku kaNkulunkulu yayitshilo.

50 Laba ngabosendo luka-Aroni:
ngu-Eliyazari indodana yakhe, loFinehasi indodana yakhe,
lo-Abhishuwa indodana yakhe, 51 loBhukhi indodana yakhe,
lo-Uzi indodana yakhe, loZerahiya indodana yakhe,
52 loMerayothi indodana yakhe, lo-Amariya indodana yakhe,
lo-Ahithubi indodana yakhe, 53 loZadokhi indodana yakhe kanye
lo-Ahimazi indodana yakhe.

54 Imizi ababehlezi kiyo kuselizweni ababeliphiwe (yimizi eyayiphiwe abosendo luka-Aroni beyinzalo kaKhohathi, ngoba isabelo sakuqala sasingesabo) yile:
55 Babephiwe iHebhroni koJuda lamadlelo akhona. 56 Kodwa amasimu lemizana eyayiseduzane ledolobho kwaphiwa uKhalebi indodana kaJefune. 57 Ngakho abosendo luka-Aroni baphiwa iHebhroni (umuzi wokuphephela), leLibhina, leJathiri, le-Eshithemowa, 58 leHileni, leDebhiri, 59 le-Ashani, leJuta leBhethi-Shemeshi, ndawonye lamadlelo akhona.
60 Esizwaneni sikaBhenjamini baphiwa iGibhiyoni, leGebha, le-Alemethi le-Anathothi, kanye lamadlelo akhona.
Imizi eyaphiwa amaKhohathi yayilitshumi lantathu.

61 Abaseleyo bamaKhohathi baphiwa imizi elitshumi beyingxenye yendlu yesizwana sikaManase.
62 Abosendo lukaGeshoni, indlu ngendlu, baphiwa imizi elitshumi lemithathu ezizwaneni zako-Isakhari, ko-Asheri lakoNafithali, kanye lengxenye yesizwana sikaManase esiseBhashani.
63 Abosendo lukaMerari, indlu ngendlu, baphiwa imizi elitshumi lambili esizwaneni sikaRubheni, lesikaGadi lesikaZebhuluni.

64 Ngakho yiyo imizi lamadlelo ayo eyaphiwa abaLevi ngama-Israyeli.

65 Esizwaneni sakoJuda, lesakoSimiyoni loBhenjamini baphiwa imizi esike yaqanjwa.

66 Amanye amaKhohathi aphiwa imizi elizweni lesizwana sika-Efrayimi.
67 Elizweni lamaqaqa lika-Efrayimi baphiwa iShekhemu (umuzi wokuphephela) leGezeri, 68 leJokhimeyamu, leBhethi-Horoni, 69 le-Ayijaloni leGathi-Rimoni, kanye lamadlelo akhona.
70 Engxenyeni yesizwana sikaManase abako-Israyeli, banika insalela yamaKhohathi, i-Aneri leBhileyamu kanye lamadlelo akhona.

71 AmaGeshoni azuza lezindawo:
Kwabosendo lwengxenye yesizwana sikaManase bazuza iGolani eBhashani kanye le-Ashitharothi, ndawonye lamadlelo akhona;
72 esizwaneni sika-Isakhari bazuza iKhedeshi, leDabherathi, 73 leRamothi le-Anema lamadlelo akhona;
74 esizwaneni sika-Asheri bazuza iMashali, le-Abhidoni, 75 leHukhokhi leRehobhi, kanye lamadlelo akhona;
76 esizwaneni sikaNafithali bazuza iKhedeshi eGalile, leHamoni, leKhiriyathayimi kanye lamadlelo akhona.

77 AmaMerari (insalela yabaLevi) aphiwa kanje:
esizwaneni sikaZebhuluni azuza iJokhiniyamu, iKhatha, iRimoni leThabhori, kanye lamadlelo akhona;
78 esizwaneni sikaRubheni ngaphetsheya kweJodani ngempumalanga yeJerikho azuza iBhezeri enkangala, leJahazi, 79 leKhedemothi kanye leMefahathi lamadlelo akhona;
80 lasesizwaneni sikaGadi azuza iRamothi eGiliyadi, leMahanayimi, 81 leHeshibhoni, leJazeri, kanye lamadlelo akhona.